Bide honek mota askotako tarteak ditu: basabidea, pista, arroka, harri askea, lapiaza... Horregatik, beharrezkoa da mendirako arropa eta zapatak eramatea, baita menditik mugitzen jakitea ere. Meatzaritzarekin lotura izan zuten lekuetatik pasatuko da, hala nota Txomin mugarria eta Esperanza mehatzea; baita gaztainondoak, pagoak, arteak eta pinuak dituzten basoetatik. Mororen eta La Loberaren tontorretatik hurbil dauden tarteetatik kontu handiz ibili behar da, gehien bat arroka bustita badago.
Beste bi bideak lehenengotik pasatzen dira partzialki, gehien bat hasieran. Irteera ordua desberdina denez, ez da egongo ibilbideetan partaideak pilatzeko arriskurik. Dortsalak ostiralean, hilaren 5ean, har daitezke.
Izen-emateak honako hau barne hartzen du: kamiseta teknikoa, poltsa, dortsala, anoa-postu solido eta likidoak, indaba-bazkaria sakramentuekin eta ogia (ez du edaria gehitzen -laguntzaileek 3 €), asistentzia-asegurua, dutxak, autokarabanen gunean gaua pasatzeko aukera (toki mugatua), umeentzako puzgarriak eta masajea doan martxa ostean.
Informazio gehiago: www.lanestosa360.com